मेरो दृष्टि संवाददाता
स्याङजा , साउन १९
एक महिना देखि बेखबर रहेका चापाकोट ५ का पंकज गिरीको शव भेटिएको छ । हरियो बुलेट मोटरसाइकल सहित हराएका गिरीको कंकाल फेदीखोला २ भालुपहाडको सेतीखोलामा भेटिएको प्रहरीले जनाएको छ ।
स्याङजाको चापाकोट नगरपालिका ५ घर भइ पोखरा स्थित जनप्रिय क्याम्पसमा कक्षा १२ मा अध्यानरत गिरी गत असार १८ गते देखी सम्पर्क विहीन थिए ।
आइतवार साझ माछा मार्न गएका स्थानीय माझीहरुले हरियो मोटरसाइकल खोलामा देखेपछी प्रहरीलाइ खबर गरेका थिए । सोमबार मोटरसाइकल निकाल्ने क्रममा दुर्गन्ध आएपछी खोजतलास गर्दा गिरीको कंकाल भेटिएको हो । गिरीले लगाएको कपडाको आधारमा सनाखत गरी आफन्तले शव बुझेको जिप्रका स्याङजाका प्रहरी नायब उपरीक्षक राजेन्द्र अधिकारीले जानकारी दिए ।
गिरीको शव आफ्नै बुवा जीवन गिरीलाइ जिम्मा लगाइएको छ । उक्त घटना दुर्घटना हो वा हत्या हो भन्ने विषयमा अनुसन्धान भैरहेको अधिकारीले बताए ।
