दुई दशकदेखि पत्रकारितामा क्रियाशिल पत्रकार हिमलाल पराजुली सम्मानित हुनुभएको छ । ढोरपाटन दैनिकको १८औँ वार्षिकोत्सवका अवसरमा सोमबार पोखरामा आयोजित कार्यक्रममा सम्मानित हुनुभएको हो । गण्डकी प्रदेशका मुख्यमन्त्री पृथ्वीसुब्बा गुरुङले पत्रकार पराजुलीलाई सम्मानपत्र र नगदले सम्मान गर्नुभएको हो । पत्रकार पराजुली दुई दशकदेखि स्याङ्जामा क्रियाशिल पत्रकारिता गर्दै आउनुभएको छ । हाल पराजुली रासस स्याङ्जा संवादाता, जनता टेलिभिजन र ढोरपाटन दैनिकमा काम गर्दै आउनुभएको छ । प्रेस चौतारीका पुर्व अध्यक्ष समेत रहनुभएका पराजुली हाल प्रेस संगठनको प्रदेश सदस्य हुनुहुन्छ । पुरस्कारको राशि सम्मानपत्र सहित १५ हजारको रहेको छ । सम्मानले पत्रकारिता क्षेत्रलाई थप शसक्त बनाउन प्रेरित गरेको पराजुलीले बताउनुभयो ।
