जो बाइडन कहिले बन्छन् राष्ट्रपति?

अमेरिकी संविधानमा लेखिए अनुसार हरेक नयाँ राष्ट्रपतिको कार्यकाल ज्यानुअरी २० तारिखको मध्यान्हबाट शुरु हुन्छ।

राजधानी वाशिङ्टन डिसीमा आयोजना गरिने शपथ ग्रहण समारोहमार्फत् यो कार्यकाल प्रारम्भ गरिन्छ। नयाँ राष्ट्रपति तथा उपराष्ट्रपतिले सर्वोच्च अदालतका प्रधानन्यायाधीशबाट पद तथा गोपनियताको शपथ ग्रहण गर्छन्।

त्यसैले जो बाइडन र कमला ह्यारिसले ज्यानुअरी २० मा शपथ लिनेछन्।
संविधानमा उल्लेखित यो समयतालिका अपवादका समयमा भने फेरबदल हुनसक्छ। उदाहरणका लागि कार्यकालकै दौरान यदि कुनै राष्ट्रपतिको निधन भएमा वा राजीनामा गरेमा उपराष्ट्रपतिलाई छिटोभन्दा छिटो शपथ दिलाइन्छ।