मे.दृ. संवाद्दाता
स्याङ्जा १६ मङ्सीर
स्याङ्जाको पिडीँखोलामा अबैध काठ बरामद गरिएको छ । गल्याङ न.पा — ६ छबिसेमा ग.१.त. ५३४८ नं को ट्याक्टरबाट साल , चिलाउने र मौवाको काठ बरामद गरिएको जिल्ला प्रहरी कार्यालय स्याङ्जाले जनाएको छ ।
उक्त ट्याक्टरबाट १४ थान चिरेको पुरानो सालको काठ, १२ थान चिलाउनेको काठ र ४ थान मौवाको काठ बरामद गरिएको प्रहरी नायव उपरीक्षक राजेन्द्र प्रसाद अधिकारीले जानकारी दिए ।
काठ बोकेको आरोपमा ट्याक्टर चालक गल्याङ न.पा. ५ बस्ने २० बर्षीय मनिष क्षेत्रीलाई सव डिभिजन बन कार्यालय गल्याङ बुझाइएको प्रहरीले जनाएको छ ।
