गण्डकी प्रदेशमा नयाँ गठबन्धन सरकारको निर्माण संगै स्याङ्जा जिल्लामा भएका विकास निर्माणका योजनाको बजेटमा व्यापक कटौती गरेको छ ।
भौतिक पूर्वाधार अन्तर्गत सडक, खानेपानी, सिंचाइ, तटबन्ध लगायतका क्षेत्रमा स्याङ्जाको लागि बजेटमा कटौति गरेको हो । क्रमागतरुपमा पर्दै आएको बजेटमा नयाँ समिकरणको सरकार बने लगत्तै कटौती गरिएको स्याङ्जा क्षेत्र नम्बर २ क का सांसद तथा विधायन समितिका सभापति मोहन रेग्मीले बताउनुभयो । सभापति रेग्मीले गत वर्ष क्रमागतरुपमा पर्दै आएको बजेटमा यो वर्ष ८ करोड ५० लाख वजेट कटौती भएको उल्लेख गर्नुभयो ।
सभापति रेग्मीका अनुसार आव०७५÷०७६ मा २० करोड ९६ लाख छुट्याइएको थियो भने आव २०७६÷०७७ मा २७ करोड ७ लाख विनियोजन भएको थियो । यसैगरी आव २०७७÷०७८ मा ३२ करोड ११ लाख २५ हजार विनियोजन गरिएको थियो । यसरी गण्डकी प्रदेशको अघिल्लो सरकारद्वारा वार्षिक बजेटमा क्रमिकरुपमा वृद्धि गर्दै आएकोमा यस आवका लागि झण्डै साडे ८ करोडमा झारिएको छ ।
नयाँ समिकरणको सरकार बनेपछि बायाँटारी उदियाचौर सेतिवेणी सडकका लागि गत आवमा ३२ करोडमा टेण्डर भइ काम भैरहेकोमा यस मध्येको क्रमागत ७ करोड ५० लाख बाहेकका विकास वजेटमा जम्मा ८ करोड ५२ लाख मात्र छुट्याईको छ ।
विकास बजेटमा पचास÷पचास लाखका १० वटा योजनालाई काटेर पाँचवटा योजनामा पाँच लाख मात्र विनियोजन गरिएको सभापति रेग्मीले उल्लेख गर्नुभयो । पचास लाखको ठाउँमा करोड हालिदिएको भए जनताले गुनासो छोडेर खुशी व्यक्त गर्ने थिए । आँपूm निर्वाचित भएपछि जति गरें, त्यसबाट जनताले प्रत्यक्ष अनुभूत गरेको महसुस गराएको दावी गर्दै सभापति रेग्मीले निरन्तर जनताका हरेक दुःख सुखमा खट्ने प्रतिवद्धता व्यक्त गर्नुभयो ।
यसैगरी कृषिमा मुख्यमन्त्री जलवायु कृषि गाउँ भनेर जिल्लाका तीन स्थानमा पकेट क्षेत्रकारुपमा विकासको थालनी गरिएको छ । सभापति रेग्मीका अनुसार पहिलो वर्ष भीरकोट नगरपालिकाको वडा नम्बर ८ वकादीमा मुख्यमन्त्री जलवायु कृषि गाउँकारुपमा स्थापित गरेर त्यहाँका कृषकहरुले उपलव्धी प्राप्त गरेका छन् । दोस्रो वर्ष गल्याङ ७ को पेलाकोट कपुर्दी र वालिङ ६पीतलेकमा कृषकहरुलाई उत्पादनमा लाग्ने बातावरण सिर्जना गरी उत्साहित गराउने काम भएको छ भने यसले जनताका बीचमा काम गर्न लागेको पुष्टी गरेको छ ।
यो वर्ष अरु धेरै काम गर्ने योजना थियो तर बजेट किन काटियो यसमा अनविज्ञ रहेको सभापति रेग्मीको भनाई छ । एमालेको प्रदेश सरकार भएकाबेला अरु पार्टीले पालिकाहरुमा नेतृत्व गरेको भएपनि कहिल्यै प्रतिपक्षकोरुपमा नहेरेको सभापति रेग्मीको दावी छ । जनताका विकास र समृद्धिसँग जोडिएका योजनाका बजेट काटिनु दुःखद रहेको उहाँले उल्लेख गर्नुभयो । यसका साथै सभापति रेग्मीले विनियोजित बजेटले निरन्तरता पाउनुपर्छ भनेर आँपूmले पहल गर्ने प्रतिवद्धता सहित जनताका बीचमा हातेमालो गरेर अगाडि बढ्ने विश्वास व्यक्त गर्नुभयो ।
कतिपय टेण्डर भएर काम अगाडि बढाइएका योजनाका बजेट समेत कटौती गर्नु विडम्बना भएको छ । अघिल्लो वर्ष सडक योजनाका लागि १३ करोड विनियोजन गरिएकोमा यस पटक १ करोडमात्र छुट्याइएको सभापति रेग्मीको भनाई छ ।
