मेरो दृष्टि संवाददाता
स्याङ्जा , साउन ३
स्याङ्जाको गल्याङ नपा ७ स्थित सिँचाई पोखरीमा डुबेर २ जनाको ज्यान गएको छ । गल्याङ ७ पेलाकोटको मानथुम्कमा निर्माण गरिएको पलास्टीक पोखरीमा डुबेकी ४ वर्षीय सोफीया गुरुङलाई निकाल्न जानेक्रममा ३३ वर्षीय बिन्द्रा गुरुङको समेत ज्यान गएको जिल्ला प्रहरी कार्यालय स्याङ्जाले जनाएको छ । खेलिरहेकी सोफिया एक्कासी पोखरीमा चिप्लिएपछि उद्धारको लागि पोखरी पसेकी बिन्द्राको समेत ज्यान गएको प्रत्यक्षदर्शीको भनाई छ ।
उपचारको लागि प्राथमिक स्वास्थ्य केन्द्र वालिङमा ल्याइएका बिन्द्रा र सोफियालाई चिकित्सकले मृतक घोषणा गरेका हुन् । उक्त पोखरी सोही वडाका पूर्व वडा अध्यक्ष रामबिर गुरुङले तरकारी खेती गर्ने उदेश्यले निर्माण गरेको स्थानीवासीको भनाई छ ।
मृतक दुबैजनाको शब वालिङ स्थित प्राथमिक स्वास्थ्य केन्द्रमा राखिएको छ ।
प्रकाशित मिति : २०७९ साउन ३ गते ११:१२ बजे
