सुशील सुवेदी
स्याङ्जा , असोज ३१
९ औँ राष्ट्रिय खेलकुद अन्तर्गत स्याङ्जाको वालिङ खेल मैदानमा आयोजित महिला फुटवल प्रतियोगितामा ६ समूह बाहिरिएका छन् । कुल १० समूह मध्ये बाँकी ४ समूहबीच प्रतिस्प्रर्धा हुनेछ ।
आज भएको २ खेल मध्ये पहिलो खेल एपिएफ फुटबल क्लव र गण्डकी प्रदेश बिच भयो । ० का विरुद्ध ५ गोल प्रहार गरेर एपीएफ फुटबल क्लवले जित हासिल गर्यो ।
यस्तै , कर्णाली प्रदेश र १ नं प्रदेश बिच भएको दोस्रो खेल अन्तर्गत ० का विरुद्ध ६ गोल प्रहार गरेर प्रदेश नं १ ले जित हासिल गरेको छ ।
भोलि हुने पहिलो सेमीफाइनल नेपाल पुलीस क्लव र प्रदेश नं १ बीच हुनेछ भने दोस्रो सेमी फाइनल खेल त्रिभुवन आर्मी फुटबल क्लव र एपिएफ फुटबल क्लवबीच हुनेछ ।
कुल १० समूह मध्ये ६ समुह प्रतियोगिताबाट बाहिरिएको छ । यस प्रतियोगिता कार्तिक ३ गते समापन हुनेछ ।
