सुशील सुवेदी
स्याङ्जा,असार २०
विद्यार्थीलाई पोषणमा सुधार गर्दै जंक फुड न्युनिकरण गराउने उदेश्यले स्याङ्जाको कालीगण्डकी गाउँपालिकाले सामुदायिक विद्यालयमा अध्यानरत विद्यार्थीलाई टिफिन बक्स वितरण गरेको छ ।
बक्स वितरण गरीएसँगै दिवा खाजाको रुपमा प्रयोग हुने चाउचाउ बिस्कुटको विकल्पमा विद्यार्थीले घरबाट ल्याईएको ताजा र पोषिलो खानेकुरा खाने बानीको विकास हुन थालेको छ । कक्षा ६ र ७ मा अध्यायनरत सामुदायिक विद्यालयका ५५० विद्यार्थीलाई टिफिन बक्स वितरण गरीएको हो ।
टिफिन बक्स वितरण गरीएसँगै विद्यार्थीहरुले घरबाटै खाजा ल्याउने बानीको विकास भएको मिर्मी आधारभूत विद्यालयका शिक्षक ज्ञान प्रसाद पाण्डेले बताए । पाण्डे भन्छन् , ‘यहाँका सामुदायिक विद्यालयमा जंक फूडको प्रयोग शुन्यमा झरेको छ । टिफिन बक्स वितरण भएपनि विद्यार्थीमा मात्र नभई अभिभावकमा पनि चेतनाको स्तर बढेको छ । ’
कक्षा ५ सम्म नेपाल सरकारले दिवा खाजा कार्यक्रम संचालन गरेकोले पहिलो चरणमा कक्षा ६ र ७ र आगामी आर्थीक वर्षमा ८, ९ र १० का विद्यार्थी यो कार्यक्रममा समावेश हुनेछन् ।
कालीगण्डकी गाउँपालिकाले पोषणमैत्री पालिका घोषणा गर्नको लागि पोषिलो अहार पनी सुचकमा परेको कारण विद्यार्थीलाई टिफीन बक्स वितरण गरेको गाउँपालिका अध्यक्ष खिम बहादुर थापाले बताए ।
पोषीलो अहारले मानिसलाई स्वस्थ र बौद्धिक बनाउन मद्धत पुग्ने बताउँदै थापाले भने ,‘पालिकावासीलाई शिक्षित र बौद्धिक बनाउन यो कार्यक्रम अघि सारिएको हो । विश्व बजारमा प्रतिस्प्रर्धा गर्न सक्ने जनशक्ति उत्पादन गर्ने हाम्रो उदेश्य हो त्यसैले गर्भ अवस्था देखि किशोर किशोरी लक्षित कार्यक्रमलाई निरन्तरता दिएका हौँ । ’
२२ वटा सुचक पार गर्दै जिल्लामै पहिलो पटक कालीगण्डकी भित्रको ३ वटा स्वास्थ्य संस्थालाई पोषण मैत्री स्वास्थ्य संस्था घोषणा गरेको पालिकाले आगामी बर्ष पालिकालाई नै पोषण मैत्री पालिका घोषणा गर्ने सोँच बनाएको थापाको भनाई छ ।
विद्यार्थीमा शैक्षिक गुणस्तर वृद्धि गर्न अहार पनि महत्व हुने बताउँदै ,विद्यार्थीले पोषिलो खाना खाँदा स्वस्थ हुने र स्वस्थ बच्चाको शैक्षिक सुधार पनि राम्रो हुने उपाध्यक्ष सावित्रका कोइरालाले बताईन् । गर्भवती महिला सँग उपाध्यक्ष कार्यक्रम संचालन गरेको पालिकाभित्र सुनौला हजार दिन देखि किशोर किशोरी सम्मको कार्यक्रम संचालन गरीएको कोइरालाको भनाई छ ।
जंक फुडके कारण अधिकाशं किशोरीमा रक्त अल्पता भेटिएको बताउँदै कोईराला भन्छिन् , ‘किशोर किशोरीमा रक्त अल्पता भएको भेट्यौँ , त्यसैले स्वच्छ र पोषिलो अहार खानुपर्छ भन्ने शिक्षा दिन टिफिन बक्स वितरण गरेका हौँ । ’
हेर्दा र सुन्दा सामान्य लाग्ने कार्यक्रम भएपनि विद्यार्थीलाई पोषणयुक्त आहार खुवाउने बानीको विकासले शैक्षिक गुणस्तर बृद्धि गर्ने र पोषण मैत्री पालिका घोषणा गर्न टेवा पुग्ने विश्वास कालिगण्डकी गाउँपालिकाले लिएको छ ।
