वालिङमा आगलागी हुँदा १५ लाखको क्षति

मेरो दृष्टि संवाददाता
स्याङ्जा, १० माघ
वालिङ १० भकुण्डेको एक सिरक डस्ना उद्योगमा आगलागी भएको छ । शनिबार १२ बजेबाट विजुली सट भई आगलागी भएको प्रहरीले जनाएको छ । स्टार सिरक डस्ना उद्योगमा आगलागी भएपछि स्थानीयवासी , प्रहरी र वालिङ नगरपालीकाको दमकल प्रयोग गरेर आगो नियन्त्रणमा लिइएको वडा प्रहरी कार्यालयका प्रहरी निरीक्षक हरी पौडेलले जनकारी दिए ।
उक्त आगजनीबाट करिव १५ लाखको क्षति भएको उद्योगका संचालक टिकाराम पाण्डेले बताए । उद्योगको मेशिन , कपास , बेच्न तयारी भएको सिरक डस्ना र भवनको संरचना पूर्ण रुपमा क्षति भएको पाण्डेले बताए ।
लामो समयको लकडाउनको कारण बेच्न तयारी अवस्थामा ठुलो परिमाणमा रहेको सिरक डस्नामा क्षति पुगेको पाण्डेको भनाई छ ।