सुशील सुवेदी
स्याङ्जा असोज ०९
अविरल वर्षाको कारण सिद्धार्थ राजमार्गमा पर्ने वालिङ १ रामबाच्छा सेरामा पहिरो खसेसँगै राजमार्ग अवरुद्ध भएको छ । आज बिहान ३ बजे आएको पहिरोले सडक अवरुद्ध भएको हो ।
राति ११ बजे सानो पहिरो खसेसँगै स्थानीयवासीको सक्रियतामा असुरक्षित ५ घरलाई सुरक्षित स्थानमा सारिएको कारण कुनै मानवीय क्षति भने नभएको वडा नं १ का वडा अध्यक्ष केदार काफ्लेले बताउनुभयो ।
उक्त परिवारलाइ मगर समाज घर , सेरा देवीस्थान टोल विकास समितिको भवन र छिमेकीको घरमा राति १२ बजे नै सारिएको थियो ।
पहिरो सफा गर्न वालिङ नगरपालिकाले २ वटा मेसिन प्रयोग भैरहेका छन् । ठुलो ढुङ्गाको कारण पहिरो सफा गर्न केही समय लाग्ने बताइएको छ ।
