नयाँ पुस्ता विदेशीनु पर्ने बाध्यता छिटै हट्ने मन्त्री अर्याल

भुमि व्यवस्था, सहकारी तथा गरिवि निवारण मन्त्री पद्मा अर्यालले चापाकोटको राधा दामोदर माविको चारकोठे भवन, को उत््घाटन गर्नुभएको छ । उत्घाटन समारोहमा बोल्दै मन्त्री अर्यालले शैक्षिक गुणस्तरमा बृद्ध गर्न नसके विकास सम्भव नरहेको भन्दै शैक्षिक गुणस्तरमा जोड दिनुपर्ने बताउनु भएको छ । सरकार एक पालिका एक प्राविधिक शिक्षालयको अभियानका साथ अगाडि बढेकोले अबको नयाँ पुस्ता विदेशीनु पर्ने बाध्यता छिटै हट्ने मन्त्री अर्यालको भनाइ छ । फरक प्रसंगमा बोल्दै मन्त्री अर्यालले पार्टीभित्रका समस्या छलफल बाट टुंगिने भन्दै मिडियामा आवश्यक भन्दा बढी चर्चा गरिएको उहाँको भनाइ छ । जिवन्त तथा गतिशिल पार्टीमा यस्ता छलफल स्वभाविक भएको भन्दै आ–आफ्नो काम कर्तव्यमा केन्द्रित हुनुपर्ने मन्त्री अर्यालको भनाई थियो ।