नेकपा (प्रचण्ड नेपाल पक्ष) स्याङ्जाको भेला सम्पन्न

प्रचण्ड नेपाल पक्षको नेकपा स्याङ्जाले एक कार्यक्रमका विच जिल्ला स्तरीय पार्टीका अगुवा कार्यकर्ता भेला तथा प्रशिक्षण कार्यक्रम जिल्ला सदरमुकाम पुतलीबजारमा सम्पन्न भगरेको छ । प्रशिक्षण कार्यक्रम सदमुकाममा रहेको गुरुङ समाजको हलमा सम्पन्न भएको हो ।
अगुवा कार्यकर्ता भेला तथा प्रशिक्षण कार्यक्रमलाई सम्बोधन गर्दै नेकपा केन्द्रिय सदस्य तथा गण्डकी प्रदेशका अध्यक्ष हितराज पाण्डे ‘उत्तम’ले हुदै नभएको बाटोबाट प्रधानमन्त्री केपीओलीले संसद विघटन गरेको बताए । उनले प्रधानमन्त्री ओली संसद विघटन गरेर निरंकुश बन्न खोजेको बताए ।प्रधानमन्त्री पार्टीको इशारामा चल्नुपर्ने बताउदै नेता पाण्डेले पार्टीका निर्णयहरु ओलीले नमानेको जानकारी दिए । पूर्व मन्त्री समेत रहेका नेकपा नेता पाण्डेले प्रधानमन्त्री तथा अध्यक्षले नेता तथा कार्यकर्ताहरुका समस्याहरु बुभेर समाधान गर्न जरुरी रहेको बताए ।
कार्यक्रममा सांसद अमृता थापामगर, अनेरास्ववियू केन्द्रिय पूर्व उपाध्यक्ष स्ववियत ढकाल र आँधिखोला गाउँपालिका उपाध्यक्ष शर्मीला पौडेल लगाएतले प्रधानमन्त्री ओलीलाई सच्चीन आग्रह गरेका थिए । उनीहरुले ओलीका कारण देशले दुःख पाएको बताए ।
नेकपा नेता शैलेन्द्र घिमिरेको अध्यक्षतामा सम्पन्न अगुवा कार्यकर्ता भेला तथा प्रशिक्षण कार्यक्रमको संचालन नेकपा नेता रामचन्द्र भट्टराईले गरेका थिए भने स्वागत मन्तव्य युवा नेता सन्तोष के।सी।ले राखेका थिए । कार्यक्रममा ओलीले केन्द्रिय सदस्यमा मनोनयन गरेका नेकपा भिरकोट नगरपालीकाका अध्यक्ष मिनप्रसाद कोईराला र विरुवा गाउँपालिकाकी उपाध्यक्ष देवी थापाले ओलीको केन्द्रिय सदस्यमा नरहेको घोषणा गरेका थिए ।