कालीगण्डकी नदी किनारमा मानिस मृत अवस्थामा फेला

मेरो दृष्टि संवाददाता
वालिङ , साउन २६ ।
कालीगण्डकी नदीको किनारमा एक जनाको शव भेटिएको छ । स्याङ्जाको चापाकोट नगरपालिका ८ , खोरीयाघाटमा ७२ वर्षीय तोय बहादुर माझी मृत भेटिएको जिल्ला प्रहरी कार्यालय स्याङ्जाले जनाएको छ ।
खोरीयाघाट बस्दै आएका माझी सोही क्षेत्रमा माग्दै दैनिकी चलाएका थिए । उनको श्रीमती माइतमा बस्दै आएकी थिइन् । उनी घरमा एकलै बस्दै आएका थिए ।
मृतक माझीको शव पोष्टमार्टमको लागि गह्रौ प्राथमिक अस्पताल वालिङमा पठाइएको प्रहरी नायब उपरीक्षक राजेन्द« प्रशाद अधिकारीले जानकारी दिए ।