पहिरोले सिद्धार्थ राजमार्ग अबरुद्ध

मेरो दृष्टि संवाददाता
स्याङ्जा , २९ साउन
स्याङ्जाको भीरकोट नगरपालिका वडा नं १ स्थित हेलुबजारमा पहिरो जाँदा सिदार्थ राजमार्ग अबरुद्ध भएको छ । गएराति देखि भएको अविरल वर्षाका कारण आज विहान हेलु माथिको जंगलबाट ठूलो पहिरो खस्दा राजमार्ग पूणर् रुपमा अवरुद्ध भएको हो ।
राजमार्गमा करिब ५० मिटर जति बाटो पहिरोको कारण पुरिएकाले सयौँको सङ्ख्यामा सवारीसाधन र यात्रुहरु अलपत्र परेका छन् । एम्बुलेन्स र अत्यावश्यक कामका सवारीसाधन समेत पहिरोको कारण बाटोमै रोकिएका छन् । बाटो खुलाउन भीरकोट नगरपालिकाबाट डोजर ल्याउने प्रयास भैरहेको छ ।