जिल्ला प्रहरी कार्यालय स्याङ्जाले भरुवा बन्दुक सहित २ जनालाई पक्राउ गरेको छ । ईलाका प्रहरी कार्यालय चिसापानी स्याङ्जाबाट खटिएको प्रहरी टोलीले शिकार खेल्न गएका हरिनास ४ का ३६ वर्षीय हेमबहादुर भुजेल, र २२ वर्षीय प्रेम भुजेललाई पक्राउ गरेको हो ।
हरीनास गाँउपालिका ४ कुलुङखोला सानि स्वारा जंगलमा शिकार खेल्न गएका दुई जनालाई पक्राउ गरिएको जिल्ला प्रहरी कार्यालयले जनाएको छ । उनीहरुको साथबाट भरूवा बन्दुक एक थान, भरुवा बन्दुकमा प्रयोग हुने सिसाको छर्रा १७ वटा, बारुद ५ ग्राम बरामद गरेका प्रहरीले जनाएको छ ।
हातहतियार तथा खरखजना सम्बन्धी कसुरमा मुद्धा दर्ता थप अनुसन्धान कार्य भईरहेको जिल्ला प्रहरी कार्यालय स्याङजाका प्रहरी नायव उपरिक्षक राजेन्द्र प्रसाद अधिकारीले जानकारी दिए ।
