स्याङजाको आँधीखोला गाँउपालिकामा एकै दिन दुई वटा पुलको शिलन्यास भएको छ । आँधीखोला गाँउपालिका स्थित वडा नं दुई र पाँचको सिमानामा पर्ने वोहिया झलुङगे पुल र सम्धीखोला झलुङगे पुलको एकै साथ आँधीखोला गाँउपालिका अध्यक्ष विश्व पौडेल द्धरा शिलन्यास गरिएको हो । विगत ८ बर्ष देखि स्थानीयले उक्त्त पुलको आवश्यकता ठान्दै विभिन्न निकाएमा माग गरेता पनि खोलाले आफ्नो बाटो छाडी अन्यत्र बाट बग्न थालेपछि पुलको डिपिआर बन्न सकेको थिएन् । शिलन्यास भएका झलुङगे पुल मध्य पहिला यान टाईपको वोहिया झलुङगे पुलको शिलन्यास गरिएको थियो । एक सय बिस मिटल लम्बाई रहेको झलुङे पुल नर्माणका निम्ति निम्ति प्रदेश सरकारको दश लाख र आँधीखोला गाँउपालिकाको साठी लाखको लागत साझेदारी एन टाईपको पुल निर्माण गर्न थालिएको गाँउपालिकाका अध्यक्ष विश्व पौडेलले बताउनुभयो ।
त्यस्तै पालिका अध्यक्ष पौडेले वोहिया झलुङगे पुलको शिलन्यास सम्पन्न गरे संगै सम्धीखोला झलुङगे पुलको पनि शिलन्यस गर्नु भएको छ । एक सय बिस मिटर लम्बाई रहेको उक्त्त पुलको लागत अनुमान तेतीस लाख एकानब्बे हजार चार सय पैचालीस रुपयाँ छयासी पैसा रहेको छ , जसमा आँधीखोला गाँउपालिकाको चार लाख चालीस हजार आठ सय सतासी,समुदायको सठसठ्ठी हजार आठ सय अठ्ठाईस रुपया र क्षेत्रगत झलुङगे पुल कार्यक्रम अन्तर्गत अठ्ठाईस लाख बयासी हजार सात सय अठ्ठाईस रुपया रहको छ । पुल शिलन्यास कार्यक्रमा बोल्दै अध्यक्ष पौडेलले उक्त्त पुल सम्पन्न भए पस्चात सात सय पाँच घर धुरीलाई राहत पुग्ने बताउँनुभयो । पुलको शिलन्यास गर्दे पौडेलले निरधारित समयमा पुल निर्माण गर्ने जिम्मा पाएका समितिलाई समयमा पुल सम्पन्न गर्न अनुरोध गर्नुभयो । छिटै बर्षादको समय सुरु हुन थालेको बताउँदै पौडेलले पुलको निर्माण कार्य अगाडी बढेसंगै विगतमा जस्तो गाडी, बालबच्चा,पशुपंक्षी बगाउने दिनको अन्त्य भएको समेत बताउनुभयो ।
